نجل الفنان الراحل شعبان عبد الرحيم يعلن تغيير اسمه
كشف عدوية نجل الفنان الراحل شعبان عبد الرحيم تغيير اسمه بسبب تشويه اسم والده ومسيرته الفنية، بحسب “القاهرة 24”.
وكتب “عبد الرحيم” عبر “فيسبوك”: “يعني هو كل حاجة تحصل يقولوا ولاد شعبان، أنا قررت أغير اسمي من النهاردة، أنا حسام قاسم الحقيقي ومعنديش استعداد انزل من نفسي ومن قيمتي”.
وأضاف “عبد الرحيم”: وقيمة أبويا.. كل يوم الناس تقولي أخوك عمل كده مع عامل النظافة، أخوك عمل مع واحدة حركات مش كويسة.. احنا أكبر من كدة واسم ابويا استحالة يتبهدل بالطريقة دي”.
وقال “عبد الرحيم”: “أنا يا جدعان اسمي حسام قاسم عبد الرحيم، ياريت بقى الباقي يحترم اسم شعبان عبد الرحيم وتعمله حاجة تشرف عشان إحنا عندنا عيال كبيرة بلاش خيابه”.
ووصف “عبد الرحيم” اسم والده شعبان عبد الرحيم بأن له قيمة كبيرة جدًا، قائلاً: “الله يرحمك يا أسطورة”.
وأضاف “عبد الرحيم”: “مش مصدق إن والدي مات من 3 سنين وإنه مش معايا، وهو عمره ما هيتعوض، ولو عندي الفرصة أكلمه أو أشوفه لآخر مرة هقول له الحقني من اللي جاي، لأن هو وجوده كان أمان لينا، ومهنة الفن لمت من بعده”.
“وشعبان عبد الرحيم هو الفنان الوحيد اللي بيمثل مصر لأن الأغاني بتاعته وطنية، والأوسكار مش كفاية عليه دا المفروض ياخد دكتوراه فخرية لأنه أحسن من الفنانين الأجانب، كفاية رجولته وجدعتنه وحنيته معانا”، بحسب تعبير نجله.
وغيب الموت المطرب الشعبي المصري شعبان عبد الرحيم عن عمر يناهز 62 عاماً في كانون الأول 2019.
وبدأ اسم شعبان عبد الرحيم في الظهور عقب أن أنتج له أحد منتجي شرائط الكاسيت عدة أغان شعبية لاقت تفاعلاً كبيراً، وعلى رأسها أغنيته “أحمد حلمي اتجوز عايدة”، “أنا بأكره “إسرا.ئيل””، “هابطل السجاير” .
تلفزيون الخبر
